سعودی اتحاد کا پانچ ڈرونز تباہ کرنے کا دعویٰ، حوثیوں نے لاتعلقی ظاہر کر دی

صنعا (جانو ڈاٹ پی کے)یمن کے حوثی گروپ نے مدینہ منورہ کی جانب ڈرون بھیجنے اور سعودی سرزمین پر کسی بھی قسم کی فوجی کارروائی کرنے کے الزامات مسترد کر دیے ہیں۔

خبر رساں ادارے رائٹرز کے مطابق حوثیوں کے فوجی ترجمان یحییٰ سریع نے کہا ہے کہ ان کی تنظیم نے نہ مدینہ منورہ کی طرف کوئی ڈرون روانہ کیا اور نہ ہی سعودی عرب کے خلاف کوئی فوجی آپریشن کیا ہے۔

حوثیوں کا یہ بیان سعودی قیادت میں قائم اتحاد کے اس دعوے کے بعد سامنے آیا ہے جس میں کہا گیا تھا کہ فضائی دفاعی نظام نے مدینہ منورہ اور سعودی عرب کے مشرقی علاقے میں پانچ ڈرونز کو روک کر تباہ کر دیا۔

حوثیوں نے سعودی اتحاد کے دعوے کو مسترد کرتے ہوئے کسی بھی فوجی کارروائی میں ملوث ہونے سے انکار کیا ہے۔ اس معاملے پر دونوں جانب سے متضاد بیانات سامنے آئے ہیں۔

تاحال ڈرونز کی شناخت اور انہیں بھیجنے والوں کے حوالے سے آزادانہ تصدیق سامنے نہیں آئی، اس لیے واقعے سے متعلق دعوؤں کی حتمی تصدیق ہونا باقی ہے۔