دھرمیندرکی حالت خراب،وینٹی لیٹر پر منتقل،فینز میں تشویش کی لہر دوڑ گئی

ممبئی(شوبز ڈیسک)بھارتی لیجنڈری اداکار دھرمیند کی حالت بگڑ گئی،وینٹی لیٹر پر منتقل۔خبر رساں ادارے کے مطابق89سالہ بھارتی لیجنڈری اداکار دھرمیندرا کو ممبئی کے بریچ کینڈی ہسپتال میں داخل کرایا گیا ہے، جہاں وہ اس وقت وینٹی لیٹر پر ہیں۔دھرمیندرا کئی دنوں سے علیل ہیں اور آج صبح حالت بگڑنے پر انہیں آئی سی یو میں منتقل کیا گیا۔آج صبح سے اہلِ خانہ کی ہسپتال آمد و رفت میں اضافہ دیکھنے میں آ رہا ہے۔فی الحال نہ خاندان کی جانب سے اور نہ ہی ہسپتال کی طرف سے کوئی باضابطہ بیان جاری کیا گیا ہے۔بھارتی میڈیا کا کہنا ہےکہ دھرمیندرا کو گزشتہ ہفتے بھی سانس لینے میں دشواری کے باعث اسپتال منتقل کیا گیا تھا جبکہ رواں سال اپریل میں ان کی آنکھ کی سرجری بھی ہوئی تھی۔