ہالی ووڈ اسٹار ٹام کروزکیلئے بڑا اعزاز،24اپریل2027کو اے ایف آئی لائف اچیومنٹ ایوارڈ سے نوازا جائے گا
امریکن فلم انسٹیٹیوٹ کے بورڈ آف ٹرسٹیز کی چیئرپرسن کیتھلین کینیڈی نے ٹام کروز کو عالمی شہرت یافتہ شخصیت قرار دیتے ہوئے کہا کہ وہ بطور اداکار اور پروڈیوسر اپنے ہر منصوبے میں غیر معمولی لگن اور محنت کا مظاہرہ کرتے ہیں۔ٹام کروز کا شمار ہالی ووڈ کے کامیاب ترین اداکاروں میں ہوتا ہے۔ فراہم کردہ رپورٹ کے مطابق ان کی فلموں نے عالمی باکس آفس پر مجموعی طور پر تقریباً 13 ارب ڈالر کا کاروبار کیا ہے، جبکہ وہ تین مرتبہ آسکر ایوارڈ کے لیے نامزد ہوچکے ہیں۔اداکار نے ’جیری میگوائر‘، ’رسکی بزنس‘ اور ’ٹاپ گن‘ جیسی کامیاب فلموں میں اپنی اداکاری کے جوہر دکھائے، جبکہ ’مشن امپاسیبل‘ سیریز نے انہیں دنیا بھر میں غیر معمولی مقبولیت دلائی۔فلمی دنیا میں طویل عرصے سے سرگرم ٹام کروز اب بھی اپنے کیریئر کو جاری رکھنے کے خواہش مند ہیں اور مزید فلمی منصوبوں کے ذریعے اپنے خوابوں کی تکمیل کے لیے پُرعزم ہیں۔
