احسن خان کا خاندانی زندگی اور بچوں کی تربیت سے متعلق دلچسپ انکشافات

کراچی(جانوڈاٹ پی کے)پاکستان کے معروف اداکار احسن خان نے ایک حالیہ شو میں اپنی ذاتی اور خاندانی زندگی سے متعلق کھل کر گفتگو کی، جس میں انہوں نے اپنی ازدواجی زندگی اور بچوں کی تربیت کے حوالے سے اہم باتیں شیئر کیں۔

احسن خان نے بتایا کہ ان کے خاندان نے ہمیشہ کے لیے لاہور سے کراچی منتقل ہونے کا بڑا فیصلہ کیا، جو ان کی اہلیہ کے لیے ایک مشکل اور ہمت طلب قدم تھا۔ ان کے مطابق، میری بیوی کے کراچی میں نہ کوئی دوست تھے، نہ کزنز اور نہ ہی کوئی سماجی حلقہ، لیکن انہوں نے بہادری سے یہ فیصلہ قبول کیا۔

اداکار نے کہا کہ اپنی اہلیہ کی سپورٹ کے لیے انہوں نے بھی اپنی سماجی زندگی محدود کردی تاکہ وہ زیادہ وقت اپنے بچوں کے ساتھ گزار سکیں اور ان کی بہتر تربیت کرسکیں۔

گفتگو کے دوران احسن خان نے اپنے والد سے سیکھا ایک قیمتی اصول بھی مداحوں کے ساتھ شیئر کیا۔ ان کا کہنا تھا کہ “میں نے اپنے والد سے سیکھا کہ بچوں کو کبھی دوسروں کے سامنے ڈانٹنا یا سزا دینا درست نہیں، انہیں اکیلے میں سمجھانا چاہیے تاکہ ان کی ذہنی صحت متاثر نہ ہو۔”

انہوں نے مزید کہا کہ وہ اپنے تمام بچوں کی پرورش میں یہی اصول اپناتے ہیں، جس سے خاندانی ہم آہنگی اور باہمی اعتماد مضبوط ہوتا ہے۔