دانش تیمور کا ہرش وردھن رانے سے مشابہت پر دلچسپ جواب

نیویارک(جانوڈاٹ پی کے)پاکستان کے معروف اداکار دانش تیمور نے بھارتی اداکار ہرش وردھن رانے سے مشابہت سے متعلق تبصروں پر دلچسپ جواب دے دیا۔

بلاک بسٹر ڈرامہ سیریل ’شیر‘ میں دانش تیمور نے مرکزی کردار نبھایا جس میں ان کے ساتھ اداکارہ سارہ خان موجود تھیں۔

انہوں نے کئی سپر ہٹ ڈراموں میں شاندار اداکاری کی ہے، جس کے مجموعی ویوز اربوں تک جا پہنچے ہیں۔

دانش تیمور اپنی اہلیہ عائزہ خان کے ہمراہ امریکا کے دورے پر ہیں، جہاں وہ مداحوں سے میٹ اینڈ گریٹ سیشنز میں ملاقات کر رہے ہیں اور مختلف فنڈ ریزنگ ایونٹس میں بھی شرکت کر رہے ہیں۔

ایک تقریب کے دوران مداحوں نے دانش تیمور سے کہا کہ ان کی شکل بھارتی اداکار ہرش وردھن رانے سے ملتی ہے، اس پر دانش تیمور نے مسکراتے ہوئے جواب دیا کہ ہرش وردھن رانے؟ آپ کہہ رہے ہیں میں ان جیسا لگتا ہوں؟ آپ بتائیں، کیا میں واقعی ان جیسا لگتا ہوں؟ اگر ہاں، تو میرا جواب یہ ہے کہ میں کسی جیسا نہیں لگتا، میں اپنی طرح ہوں، میں اصل ہوں۔

مداحوں نے بھی ان کے اس خوش مزاج اور پُراعتماد انداز کی تعریف کی، کئی صارفین نے لکھا کہ دانش تیمور ہرش وردھن رانے سے کہیں زیادہ خوبصورت ہیں، جبکہ کچھ نے کہا کہ دونوں میں واقعی کچھ مشابہت تو ہے۔