ملکی تاریخ میں پہلی مرتبہ انٹر بینک میں ڈالر183روپے اوراوپن مارکیٹ میں 184روپے سے تجاوز کر گیا

کراچی (آن لائن)پاکستانی روپیہ ڈا لر کے سامنے بدترین گرواٹ کا شکار ہے،ملکی تاریخ میں پہلی مرتبہ جمعرات کو انٹر بینک میں ڈالر183روپے اوراوپن مارکیٹ میں 184روپے سے تجاوز کر گیا ہے۔فاریکس ایسوسی ایشن آف پاکستان کی رپورٹ کے مطابق انٹر بینک میں جمعرات کو روپے کے مقابلے ڈالر کی قدر میں 75پیسے کا اضافہ ریکارڈ کیا گیا جس سے ڈالر کی قیمت خرید 182.70روپے سے بڑھ کر183.45روپے اور قیمت فروخت 182.80روپے سے بڑھ کر183.55روپے ہو گئی اسی طرح مقامی اوپن کرنسی مارکیٹ میں ڈالر 1.50روپے مہنگا ہو گیا جس کے بعد ڈالر کی قیمت خرید 182.50روپے سے بڑھ کر184روپے اور قیمت فروخت 183روپے سے بڑھ کر184.50روپے پر جا پہنچی۔فاریکس رپورٹ کے مطابق یوروکی قدر میں 50پیسے کا اضافہ ہوا جس سے یورو کی قیمت فروخت 200.50روپے سے بڑھ کر203روپے ہو گئی اسی طرح80پیسے کے اضافے سے برطانوی پونڈ کی قیمت فروخت 239روپے سے بڑھ کر239.80روپے ہو گئی