خیبر پختونخوا حکومت کا تیراہ اور خیبر کے متاثرہ خاندانوں کے لیے 4 ارب روپے کا ریلیف پیکیج منظور
پشاور(جانوڈاٹ پی کے) خیبر پختونخوا حکومت نے وادی تیراہ اور خیبر کے بے گھر اور متاثرہ خاندانوں کے لیے 4 ارب روپے کے ریلیف فنڈز جاری کرنے کی منظوری دے دی۔
ذرائع کے مطابق محکمہ خزانہ نے پی ڈی ایم کی جانب سے بھیجی گئی سمری کو منظور کرتے ہوئے سیکرٹری ریلیف کو باضابطہ مراسلہ جاری کر دیا ہے۔ مراسلے میں اکاونٹنٹ جنرل خیبر پختونخوا اور ڈپٹی کمشنر ضلع خیبر کو ہدایات دی گئی ہیں کہ فنڈز کے استعمال میں مکمل شفافیت کو یقینی بنایا جائے اور تیراہ میں بے گھر ہونے والے خاندانوں کی بحالی کے عمل کو تیز کیا جائے۔
واضح رہے کہ اسی فنڈز کی درخواست نومبر 2025 میں مسترد کر دی گئی تھی، تاہم اب متاثرہ خاندانوں کی فوری امداد کے لیے اقدامات کیے جا رہے ہیں۔
