سرگودھا،پولیس کی گاڑی ٹرین سے ٹکراگئی،2اہلکار شہید،3زخمی

سرگودھا(جانو ڈاٹ پی کے)سرگودھا کے علاقہ تھانہ کینٹ کی حدود میں ایس پی یو کی گاڑی ٹرین کیساتھ ٹکرانے سے دو اہلکار شہید، 3 زخمی ہونے کا واقعہ۔واقعہ کی اطلاع ملتے ہی پولیس کی بھاری نفری موقع پر پہنچ گئی۔آئی جی پنجاب ڈاکٹر عثمان انور کا نوٹس، ڈی آئی جی ایس پی یو سے واقعہ کی رپورٹ طلب کرلی۔آئی جی پنجاب کی زخمی پولیس اہلکاروں کو علاج معالجے کی بہترین سہولیات کی فراہمی کی ہدایت۔ترجمان پولیس کے مطابق  شہید ہونے والوں میں کانسٹیبلز امان اور سبطین شامل ہیں۔ہیڈ کانسٹیبل محمد اویس، کانسٹیبل ابرار، ڈرائیور کانسٹیبل ضیافت زخمیوں میں شامل ہیں۔