وزیرآباد کے عوام کو ترقی اور ریلیف دینا اولین ترجیح ہے: بلال فاروق تارڑ

وزیرآباد(جانوڈاٹ پی کے)مسلم لیگ (ن) نے ہمیشہ عوامی خدمت کو اپنا نصب العین بنایا ہے، وزیرآباد مسلم لیگ ن کا گڑھ رہا ہے حلقہ سے بلا مقابلہ منتخب ہونا ایک اعزاز ہے حلقہ کے عوام سے جڑا رہوں گا اور ترقیاتی کام ہوں یا دیگر مسائل کو حل کرنا حلقہ کے عوام مجھے خدمت کے لیے ہمیشہ اپنے درمیان پائیں گے، حلقہ کی محرومیاں دور کرنا میری اولین ترجیح ہو گی۔ان خیالات کا اظہار ایم این اے بلال فاروق تارڑ نے سیاسی شخصیت میان انوار الحق سے ملاقات میں کیا۔انہوں نے کہا کہ وزیر اعظم میاں محمد شہباز شریف کی راہنمائی میں ملک معاشی استحکام، ترقی اور روزگار کے ایک نئے دور میں داخل ہو گیا ہے محترمہ مریم نواز کی پنجاب میں حکومت ترقی کے ریکارڈ قائم کر رہی ہے، وزیرآباد شہر کے اندر کیمپ آفس بنا لیا جہاں پر ہمارا نمائندہ ہر وقت موجود ہو گا اور عوامی و فلاحی کاموں کے لیے مثال قائم کریں گے۔