ممبئی میں ہسپانوی گلوکار کا کنسرٹ،جیب کتروں نے70سے زائد موبائل فون اڑا لیے

ممبئی(نیٹ نیوز)عالمی شہرت یافتہ ہسپانوی پاپ گلوکار اینریک ایگلیسیاس کے بھارتی شہر ممبئی میں ہونے والے کنسرٹ سے 73 موبائل فون چوری ہوگئے۔بھارتی میڈیا رپورٹس کے مطابق ممبئی میں اینریک ایگلیسیاس کا کنسرٹ ہوا جس میں25ہزار افراد نے شرکت کی۔ہسپانوی گلوکار کے کنسرٹ کا کم سے کم ٹکٹ بھی7ہزار بھارتی روپے تھا۔رپورٹس کے مطابق کنسرٹ کے دوران چوروں نے73موبائل فون چوری کرلیے جن کی مجموعی مالیت 24 لاکھ بھارتی روپے ہے۔