ایشین گیمز: پاکستان ویمن کرکٹ ٹیم کو سیمی فائنل میں سری لنکا سے شکست

ناگویا (ویب ڈیسک) ایشین گیمز کے ویمنز کرکٹ سیمی فائنل میں سری لنکا ویمن نے پاکستان ویمن ٹیم کو 8 وکٹوں سے شکست دے کر فائنل کی جانب پیش قدمی کرلی۔

پاکستان ویمن ٹیم نے پہلے بیٹنگ کرتے ہوئے مقررہ اوورز میں 4 وکٹوں کے نقصان پر 177 رنز بنائے۔ پاکستان کی جانب سے عائشہ ظفر نے 71 جبکہ شوال ذوالفقار نے 54 رنز کی نمایاں اننگز کھیلی۔

177 رنز کے ہدف کے تعاقب میں سری لنکا ویمن نے 17.5 اوورز میں صرف 2 وکٹوں کے نقصان پر مطلوبہ ہدف حاصل کرلیا۔

سری لنکا کی کپتان چماری اتاپتو نے شاندار بیٹنگ کا مظاہرہ کرتے ہوئے 83 رنز کی ناقابلِ شکست اننگز کھیلی، جبکہ ہسینی پریرا نے 42 رنز بنائے۔

پاکستان کی جانب سے فاطمہ ثنا اور نشرہ سندھو نے ایک، ایک وکٹ حاصل کی، تاہم سری لنکن بیٹرز نے ہدف باآسانی حاصل کرتے ہوئے میچ اپنے نام کرلیا۔