ملتان میں انسانیت دفن! 11 ارب کا شاہی جہاز بمقابلہ چادر میں لپٹی جوان بیٹے کی لاش، لرزہ خیز المیہ!
ملتان: خصوصی رپورٹ (جانو ڈاٹ پی کے)پنجاب کے دل ملتان سے ایک ایسا لرزہ خیز اور دل دہلا دینے والا واقعہ سامنے آیا ہے جس نے پورے معاشرے کو جھنجھوڑ کر رکھ دیا ہے اور انسانیت کے منہ پر زوردار طمانچہ رسید کیا ہے۔ غربت اور کسمپرسی کی انتہا نے ایک غریب اور بے بس باپ کو اس نہج پر لا کھڑا کیا کہ جب اس کا 25 سالہ جوان بیٹا طبعی موت کا شکار ہوا تو اس کے پاس لاش کے لیے کفن تک خریدنے کے پیسے موجود نہ تھے۔ یہ لاچار بزرگ باپ اپنے جوان سالہ بیٹے کی میت کو گھر میں پڑی ایک بوسیدہ اور پرانی چادر میں لپیٹ کر قبرستان پہنچ گیا۔ حیرت اور افسوس کا مقام یہ ہے کہ اس المناک گھڑی میں اس کے ساتھ صرف اس کی بہن اور بھانجی موجود تھیں، جبکہ پورا محلہ اور قریبی رشتہ دار اس کڑے وقت میں غائب رہے۔ ایک طرف جہاں حکومت کی جانب سے 11 ارب روپے کا نیا شاہی طیارہ خریدنے پر فخر کیا جا رہا ہے اور اسمبلیوں میں غرور و تکبر سے بھری تقریریں کی جا رہی ہیں، وہیں دوسری طرف ملتان کی سڑکوں پر ایک مفلوک الحال باپ اپنے جوان بیٹے کا جنازہ اٹھانے کے لیے چار کاندھوں کو ترستا رہا۔ یہ واقعہ نہ صرف حکمرانوں کی ترجیحات پر ایک بڑا سوالیہ نشان ہے بلکہ ہمارے سماجی تانے بانے اور مٹی ہوتی انسانی اقدار کا بھی نوحہ ہے۔ بعد ازاں لوہاری گیٹ پولیس کو اطلاع ملنے پر پولیس نے کفن دفن کا بندوبست تو کر دیا لیکن یہ المیہ پورے معاشرے کو مردہ قرار دینے کے لیے کافی ہے۔
اس لرزہ خیز داستان اور حکمرانوں کے شاہانہ اخراجات کا کچا چٹھا جاننے کے لیے امداد سومرو کا وی لاگ مکمل دیکھیں۔ ویڈیو لنک نیچے موجود ہے:
