نتن یاہو کی ویڈیو اور پی ٹی آئی کے نئے چالے
لاہور(خصوصی رپورٹ)پچھلے کئی دنوں سے اسرائیلی وزیراعظم بنجمن نیتن یاہو کی ہلاکت کے حوالے سے گردش کرنے والی افواہوں کے بعد، اب نیتن یاہو کی ایک نئی ویڈیو منظرِ عام پر آئی ہے۔ اس ویڈیو میں نیتن یاہو ایک کافی شاپ میں بیٹھے عبرانی زبان میں گفتگو کر رہے ہیں۔ اس ویڈیو کا مقصد یہ ثابت کرنا ہے کہ وہ زندہ ہیں، تاہم عوامی سطح پر انہیں اب بھی شدید نفرت کا سامنا ہے اور "پاسدارانِ انقلاب” نے اب بھی انہیں نشانہ بنانے کا عزم ظاہر کر رکھا ہے۔
دوسری جانب سوشل میڈیا پر پی ٹی آئی کے حامیوں کی جانب سے سینئر صحافی محمد مالک کا ایک پرانا ویڈیو کلپ وائرل کیا جا رہا ہے۔ اس کلپ میں محمد مالک عمران خان کو دی گئی ایک "فائنل پیشکش” کا ذکر کر رہے ہیں جس میں اسمبلیوں میں واپسی اور ریلیف کی بات کی گئی ہے۔ سینئر صحافی گوہر بٹ نے ثبوتوں کے ساتھ واضح کیا کہ یہ کلپ حالیہ نہیں بلکہ کافی پرانا ہے، جسے ایک منظم منصوبے کے تحت دوبارہ وائرل کر کے یہ تاثر دیا جا رہا ہے کہ جیسے عمران خان کی رہائی اور حکومت کے ساتھ کوئی بڑا معاہدہ طے پا گیا ہے۔
باجوڑ کے علاقے سلارزئی میں ہونے والے ایک حالیہ حملے میں افغان طالبان کی جانب سے مارٹر گولوں کے حملے کے نتیجے میں ایک ہی خاندان کے چار افراد شہید ہو گئے۔ گوہر بٹ نے حکومت اور سیکیورٹی فورسز سے مطالبہ کیا کہ ان عناصر کے ساتھ کسی قسم کے مذاکرات کے بجائے آہنی ہاتھوں سے نمٹا جائے، کیونکہ یہ گروہ پاکستان کی سلامتی کے لیے مسلسل خطرہ بنے ہوئے ہیں۔
مزید تفصیلات کے لیے دیکھیں:
