انٹرنیشنل کرکٹ کونسل نے بھارتی ٹیم پر جرمانہ عائد کر دیا

لاہور(جانو ڈاٹ پی کے)انٹرنیشنل کرکٹ کونسل نے بھارتی ٹیم پر جرمانہ عائد کر دیا۔بھارتی ٹیم پر 3 دسمبر کو رائے پور میں جنوبی افریقا کے خلاف کھیلے گئے سیریز کے دوسرے ون ڈے میں سلو اوور ریٹ  پر میچ فیس کا 10 فیصد جرمانہ عائد کیا گیا ہے۔آئی سی سی کا کہنا ہے کہ بھارتی ٹیم نے مقررہ وقت تک 2 اوورز کم پھینکے تھے۔آئی سی سی کے ضابطہ اخلاق کے آرٹیکل 2.22 کے مطابق اوور ریٹ کی خلاف ورزی پر ہر اوور پرکھلاڑیوں پر میچ فیس کا 5 فیصد جرمانہ کیا جاتا ہے۔بھارتی کپتان کے ایل راہول نے خلاف ورزی کا اعتراف کرتے ہوئے جرمانہ قبول کرلیا۔رائے پور میں کھیلے گئے میچ میں جنوبی افریقا نے بھارت کا 359 رنز کا پہاڑ جیسا ہدف پورا کرکے 4 وکٹوں سے کامیابی حاصل کی تھی۔