برڈ فلو کی وبا نے ہزار سے زائد کرینز کو نگل لیا

برلن(جانو ڈاٹ پی کے)جرمنی کے شمال مشرقی علاقے میں ایک ہولناک اور غیر معمولی وبا پھوٹ پڑی ہے جس میں ایک ہزار سے زائد کرینز (Cranes) ہلاک ہو گئے ہیں۔ حکام نے تصدیق کی ہے کہ ان پرندوں کی موت کی وجہ H5N1 قسم کا خطرناک برڈ فلو وائرس ہے۔

More than 1,000 cranes have died in northeastern Germany, in a sudden and unprecedented outbreak of bird flu confirmed as H5N1 pic.twitter.com/v8qqQWfQk2

— Reuters (@Reuters) October 23, 2025

محکمہ جنگلات اور جانوروں کی صحت کے ماہرین کے مطابق یہ واقعہ میِکلنبرگ-ویسٹرن پامیرانیا (Mecklenburg-Western Pomerania) کے قدرتی جھیلوں والے علاقے میں پیش آیا، جو پرندوں کی سالانہ ہجرت کا ایک اہم مقام ہے۔

ماہرین کا کہنا ہے کہ اس وبا کی شدت اور رفتار غیر معمولی ہے، کیونکہ اس علاقے میں پہلے کبھی اتنی بڑی تعداد میں پرندوں کی ہلاکت رپورٹ نہیں ہوئی۔

حیاتیاتی ماہرین نے خدشہ ظاہر کیا ہے کہ H5N1 وائرس دیگر آبی پرندوں میں بھی پھیل سکتا ہے، جس سے یورپ بھر میں برڈ فلو کا خطرہ بڑھ گیا ہے۔ حکام نے متاثرہ علاقوں میں سخت قرنطینہ اقدامات اور پرندوں کی نگرانی بڑھانے کا اعلان کیا ہے۔

عالمی ادارۂ صحت (WHO) نے بھی اس صورتحال پر تشویش ظاہر کی ہے اور کہا ہے کہ اگر وائرس پھیلاؤ برقرار رہا تو یہ جنگلی حیات کے ساتھ ساتھ پولٹری انڈسٹری کے لیے بھی سنگین خطرہ بن سکتا ہے۔