سلمان علی آغا سے ٹی20 کپتانی واپس لیے جانے کا امکان، ذرائع

لاہور (جانو ڈاٹ پی کے)پاکستان کرکٹ ٹیم کے وائٹ بال سیٹ اپ میں اہم تبدیلیوں کا امکان ہے، ذرائع کے مطابق ٹی20 ٹیم کی قیادت میں تبدیلی متوقع ہے جبکہ سلمان علی آغا سے ٹی20 کپتانی واپس لیے جانے کا امکان ہے۔ذرائع کے مطابق سلمان علی آغا کو ٹیسٹ کے بعد ٹی20 اسکواڈ سے بھی باہر کرنے کا فیصلہ کیا گیا ہے، جس کے بعد وہ صرف ون ڈے ٹیم میں نظر آئیں گے۔

ذرائع کا کہنا ہے کہ نئے ٹی20 کپتان کی دوڑ میں صاحبزادہ فرحان اور شاداب خان شامل ہیں۔ پی سی بی میں بعض عہدیدار صاحبزادہ فرحان جبکہ کچھ شاداب خان کو ٹی20 ٹیم کا کپتان بنانے کے حق میں ہیں۔ذرائع کے مطابق حارث رؤف کے بعد شاہین شاہ آفریدی کو بھی ٹی20 اسکواڈ سے باہر کرنے کی تیاری ہے، تاہم شاہین آفریدی ون ڈے ٹیم کی قیادت جاری رکھیں گے۔ایجبسٹن ٹیسٹ کے ہیرو رضا اللہ کی وائٹ بال اسکواڈ میں شمولیت کا بھی امکان ہے۔ ذرائع کے مطابق رضا اللہ کو ٹی20 اور ون ڈے اسکواڈ میں شامل کرنے پر غور کیا جارہا ہے۔ذرائع کے مطابق بابر اعظم ٹی20 اور ون ڈے دونوں اسکواڈز کا حصہ ہوں گے۔پاکستان اور سری لنکا کے درمیان تین ٹی20 میچز 9، 11 اور 13 اکتوبر کو راولپنڈی میں کھیلے جائیں گے، جس کی تصدیق پاکستان کرکٹ بورڈ کے باضابطہ شیڈول سے بھی ہوتی ہے۔ اس کے بعد پاکستان، انگلینڈ اور سری لنکا کے درمیان تین ملکی ون ڈے ٹورنامنٹ 18 سے 31 اکتوبر تک راولپنڈی اور لاہور میں کھیلا جائے گا۔ ٹورنامنٹ کا افتتاحی میچ 18 اکتوبر کو پاکستان اور سری لنکا کے درمیان راولپنڈی میں ہوگا جبکہ فائنل 31 اکتوبر کو لاہور کے قذافی اسٹیڈیم میں کھیلا جائے گا۔تین ملکی ون ڈے ٹورنامنٹ میں پاکستان، انگلینڈ اور سری لنکا کی ٹیمیں ایکشن میں ہوں گی۔