آزاد کشمیر پاکستان کی شہ رگ، دونوں لازم و ملزوم ہیں، صدر ڈاکٹر محمد نجیب خان
صدر آزاد کشمیر کا کہنا تھا کہ کشمیر پاکستان کی شہ رگ ہے اور دونوں ایک دوسرے کے لیے لازم و ملزوم ہیں۔ انہوں نے تحریکِ آزادی کشمیر کے لیے حکومتِ پاکستان اور پاکستانی عوام کی سیاسی، سفارتی اور اخلاقی حمایت کو سراہتے ہوئے اسے اہم قرار دیا۔
ڈاکٹر محمد نجیب خان نے مقبوضہ کشمیر کے عوام کی ثابت قدمی، جدوجہد اور قربانیوں کو خراجِ تحسین پیش کرتے ہوئے کہا کہ کشمیری عوام اپنے حقِ خودارادیت کے حصول کے لیے طویل عرصے سے جدوجہد کر رہے ہیں۔انہوں نے عالمی برادری اور اقوامِ متحدہ پر زور دیا کہ وہ اپنی قراردادوں کے مطابق کشمیری عوام کو حقِ خودارادیت دلانے کے لیے مؤثر کردار ادا کریں۔صدر آزاد کشمیر نے کہا کہ قومی اتحاد، یکجہتی اور مضبوط ادارے خوشحال اور مستحکم ریاست کی بنیاد ہیں۔ انہوں نے ریاست کی ترقی، خوشحالی اور استحکام کے لیے تمام طبقات پر زور دیا کہ وہ متحد ہو کر اپنا کردار ادا کریں۔
