ٹرمپ کی ایٹمی دھمکی، مارکہ حق میں بھارت کی عبرتناک شکست اور پاکستان کی بڑی سفارتی جیت
لاہور: خصوصی نشست (جانو ڈاٹ پی کے)عالمی سیاست کے افق پر ایٹمی جنگ کے بادل منڈلانے لگے ہیں جہاں امریکی صدر ٹرمپ نے ایران کو ایک ایسی "بڑی روشنی” کی دھمکی دے دی ہے جس نے پوری دنیا میں لرزہ برپا کر دیا ہے۔ سینیئر صحافی عمران شفقت نے سینئر تجزیہ کاروں کے ساتھ تازہ نشست میں انکشاف کیا ہے کہ مشرق وسطیٰ کی صورتحال اس وقت بارود کے ڈھیر پر ہے اور ٹرمپ کی یہ دھمکی ایٹمی ہتھیاروں کے ممکنہ استعمال کا خطرناک اشارہ ہو سکتی ہے۔ دوسری جانب مارکہ حق کے ایک سال مکمل ہونے پر بھارتی ہزیمت کی داستانیں پھر سے زبان زدِ عام ہیں، جہاں پاکستان کے شاہینوں نے دشمن کے پانچ طیارے گرا کر اس کا غرور خاک میں ملا دیا تھا۔ تجزیہ کاروں کا کہنا ہے کہ بھارت آج بھی اپنے زخم چاٹ رہا ہے اور عالمی سطح پر اس کا "روگ اسٹیٹ” والا پروپیگنڈا خود اسی پر الٹ گیا ہے کیونکہ امریکی ایوانِ نمائندگان میں پاکستان کی امن کوششوں کے حق میں قرارداد کا آنا اسلام آباد کی بہت بڑی سفارتی فتح ہے۔
وی لاگ میں 9 مئی کے کرداروں اور ان کی سہولت کاری پر بھی کڑی تنقید کی گئی ہے، جہاں علیمہ خان کے پرانے بیانات اور پی ٹی آئی کی جانب سے بھارتی بیانیے کی مبینہ حمایت پر سوالات اٹھائے گئے ہیں۔ تجزیہ کاروں کے مطابق 9 مئی محض ایک احتجاج نہیں بلکہ ریاست کے خلاف سوچی سمجھی بغاوت تھی، مگر افسوسناک امر یہ ہے کہ آج بھی سزا یافتہ مفرور افراد صوبائی حکومتوں کے پروٹوکول انجوائے کر رہے ہیں۔ ملک کی معاشی صورتحال پر تشویش کا اظہار کرتے ہوئے کہا گیا کہ بجلی اور پیٹرول کی قیمتوں نے غریب کا کچومر نکال دیا ہے، کارخانے بند ہو رہے ہیں اور حکومت کے بچت کے دعوے صرف کاغذوں تک محدود ہیں۔ ماہرین نے زور دیا ہے کہ جب تک پاکستان معاشی طور پر مستحکم نہیں ہوتا، دفاعی مضبوطی کے ثمرات مکمل طور پر حاصل نہیں کیے جا سکتے۔سیدعمران شفقت کے ساتھ سینئر صحافیوں کی اس خصوصی بیٹھک کا مکمل احوال جاننے کے لیے اس لنک پر کلک کریں:
