بنگلا دیش کا آسٹریلیا کو تاریخی اپ سیٹ، کینگروز کو 9 وکٹوں سے شکست

ڈارون(ویب ڈیسک) بنگلا دیش نے پہلے ٹیسٹ میچ میں آسٹریلیا کو 9 وکٹوں سے تاریخی شکست دے کر بڑا اپ سیٹ کردیا۔

بنگلا دیش نے پہلی مرتبہ آسٹریلیا کی سرزمین پر ٹیسٹ میچ میں کامیابی حاصل کی۔ عالمی درجہ بندی میں نویں نمبر کی ٹیسٹ ٹیم نے پہلے نمبر پر موجود آسٹریلیا کو حیران کن شکست سے دوچار کردیا۔

آسٹریلیا کی جانب سے دیے گئے 57 رنز کے ہدف کو بنگلا دیش نے ایک وکٹ کے نقصان پر حاصل کرلیا۔ شادمان اسلام 25 رنز اور مومن الحق 30 رنز بنا کر ناٹ آؤٹ رہے۔

آسٹریلیا نے پہلی اننگز میں 198 رنز بنائے جبکہ دوسری اننگز میں 284 رنز بنا کر آؤٹ ہوگئی۔

بنگلا دیش نے پہلی اننگز میں شاندار بیٹنگ کرتے ہوئے 426 رنز بنائے تھے، جبکہ دوسری اننگز میں ایک وکٹ کے نقصان پر 57 رنز بنا کر تاریخی کامیابی اپنے نام کرلی۔

یہ کامیابی بنگلا دیش کرکٹ کی تاریخ میں آسٹریلیا کے خلاف ایک یادگار اور غیر معمولی فتح قرار دی جارہی ہے۔