طورخم کے راستے افغانستان کو اقوام متحدہ کی امدادی خوراک کی ترسیل جاری، ایک ہفتے میں 73 کنٹینرز روانہ

خیبر(جانوڈاٹ پی کے)افغانستان کو اقوام متحدہ کی خوراک پر مبنی اشیاء کی سپلائی جاری ہے۔ ضلع خیبر سے کسٹم حکام کے مطابق ایک ہفتے میں 73 کنٹینرز طورخم کے راستے افغانستان جا چکے ہیں۔

کسٹم حکام کے مطابق غذائی اشیا کے مزید 86 کنٹینرز کی کلیئرنس کا کام جاری ہے۔  اقوام متحدہ کی جانب سے ایک ہزار کنٹینرز افغانستان بھیجیں جائیں گے۔

حکام کے مطابق وزارت خارجہ نے اقوام متحدہ کی درخواست پر ترسیل کی اجازت دی تھی۔

 کسٹم حکام کے مطابق پاک افغان سرحد پر کشیدگی کے باعث 12 اکتوبر 2025 سے سرحد بند ہے۔