قومی سکواڈ کا اعلان،بابر اعظم،شاہین کی واپسی

لاہور(جانوڈاٹ پی کے)آسٹریلیا کے خلاف ٹی ٹوئنٹی سیریز کے لیے پاکستان کرکٹ ٹیم کا اعلان کر دیا گیا ہے،قومی ٹیم کی قیادت سلمان علی آغا کریں گے۔آسٹریلیا کے خلاف قومی ٹیم کے اسکواڈ میں سابق کپتان بابر اعظم اور فاسٹ بولر شاہین شاہ آفریدی کی ٹی ٹوئنٹی ٹیم میں واپسی ہوئی ہے، جبکہ فخر زمان، صائم ایوب، شاداب خان اور نسیم شاہ بھی اسکواڈ کا حصہ ہیں،دیگر کھلاڑیوں میں فہیم اشرف، وسیم جونیئر اور سلمان مرزا ،ابرار احمد،محمد نواز اور عثمان طارق شامل ہیں۔خواجہ نافع،صاحبزادہ فرحان اور عثمان خان کو بھی ٹیم میں شامل کیا گیا ہے،پاکستان اور آسٹریلیا کے درمیان ٹی ٹوئنٹی سیریز کا پہلا میچ 29 جنوری کو کھیلا جائے گا۔