امریکا ایران میں بےامنی کو بہانہ بنا کردوبارہ حملے سے گریز کرے، روس

ماسکو(جانوڈاٹ پی کے)روس نے ایران پر امریکی حملے کی دھمکیوں کی مذمت کرتے ہوئے اسے ناقابل قبول قرار دے دیا۔

روسی وزارتِ خارجہ کی جانب سے  جاری بیان میں کہا گیا ہے کہ ایران پر امریکی حملے کی دھمکیاں قطعی طور پر ناقابلِ قبول ہیں، امریکا ایران میں بےامنی کو بہانہ بنا کر دوبارہ حملے نہ کرے۔

روسی وزارت خارجہ کا کہنا ہے کہ اس طرح کا اقدام مشرقِ وسطیٰ میں تباہ کن نتائج کا باعث بنے گا اور عالمی سلامتی کے لیے بھی خطرہ ہوگا۔

روسی وزارت خارجہ کی جانب سے جاری بیان میں کہا گیا کہ  ایران کے غیر ملکی شراکت داروں کو تجارتی محصولات بڑھا کر بلیک میل کرنے کی کوششوں کو مسترد کرتے ہیں۔

روسی وزارت خارجہ کا کہنا ہے کہ ایران میں مصنوعی طور پر بھڑکائے گئے احتجاج اب ماند پڑ رہے ہیں، امید ہے کہ ایران میں حالات بتدریج مستحکم ہو جائیں گے۔