تھرپارکرکے79سالہ ریٹائرڈ ٹیچر’’قانون دان‘‘بن گئے،اپنے علاقے کےمقدمےلڑنے کا اعلان

تھرپارکر(نمائندہ جانو ڈاٹ پی کے)تھرپارکرکے سرکاری سکول کے ریٹائرڈ ٹیچر نے79سال کی عمر میں جامعہ کراچی سے قانون کی ڈگری حاصل کر لی۔تھر سے تعلق رکھنے والے ایک ریٹائرڈ استاد سکھ رام داس نے جو8بیٹوں اورایک بیٹی کے والد ہیں.سکھ رام داس نے74سال کی عمر میں جامعہ کراچی کے شعبہ قانون میں داخلہ لیا اور79برس کی عمر میں قانون کی ڈگری حاصل کرلی۔سکھ رام داس کا تعلق تحصیل ڈیپلو کے گاؤں ہیلاریو پیر سےہے۔ان کا کہنا ہے کہ قانونی ڈگری کے حصول کا بنیادی مقصد اپنے لیے اور اپنے علاقے کے غریب عوام کی زمینوں سمیت دیگر مسائل کے حل کے لیے ان کا ساتھ دینا ہے۔