سوشل میڈیا پر وائرل سعودی عرب کے’اسکائی اسٹیڈیم‘ کی ویڈیو کی حقیقت سامنے آگئی

ریاض (مانیٹرنگ ڈیسک)سوشل میڈیا پر سعودی عرب کے’اسکائی اسٹیڈیم‘ کی وائرل ویڈیو جعلی ہے۔

 خبر ایجنسی کے مطابق مصنوعی ذہانت سے بنی ویڈیو کو 2034 ورلڈ کپ کے اسٹیڈیم کا ڈیزائن سمجھ لیا گیا لیکن ویڈیو کا سعودی حکومت کے کسی سرکاری منصوبے سے تعلق نہیں ہے۔

اسکائی اسٹیڈیم کی اے آئی ویڈیو بنانے والے شخص نے خبرایجنسی سے گفتگو میں کہا کہ یہ صرف ایک اے آئی تصور تھا اور مجھے سعودی عرب کے کسی منصوبے کا علم نہیں ہے۔

واضح رہے کہ اسکائی اسٹیڈیم کی اے آئی ویڈیوکو دنیابھر میں 5کروڑسے زائد بار دیکھا جا چکا ہے۔