27 ستمبر کو 20 لاکھ افراد اسلام آباد لائیں گے،لانگ مارچ کی خود قیادت کروں گا،سہیل آفریدی

نوشہرہ(جانوڈاٹ پی کے)وزیراعلیٰ خیبرپختونخوا سہیل آفریدی کا کہنا ہے کہ  27 ستمبر لانگ مارچ میں 20 لاکھ لوگ اسلام آباد لائینگے۔

نوشہرہ میں شجرکاری کی افتتاحی تقریب سے گفتگو کرتے ہوئے سہیل آفریدی نے کہا کہ مارچ تک میگا شجرکاری مہم میں 14 لاکھ پودے لگائےجائیں گے۔

انہوں نے کہا کہ  پختونخوا حکومت کی اولین ترجیح عوام ہیں،  پختونخوا کی تاریخ میں پہلی بار 235 ارب روپےترقیاتی بجٹ دیا۔

سہیل آفریدی نے کہا کہ 13اگست کی رات ایک کال پر پورا پاکستان ڈی چوک بن گیا، 27 ستمبر کے لانگ مارچ کی میں خود قیادت کروں گا، 20 لاکھ سے زائد افراد اسلام آباد لائیں گے۔

وزیراعلیٰ کے پی نے کہا کہ کوئی طاقت مجھے اپنے وژن سے پیچھے نہیں ہٹا سکتی،  بانی کی رہائی کیلئے گڈ گورننس کے ساتھ جدوجہد جاری ہے۔