فلسطینی ویمن فٹبال ٹیم کی دو انٹرنیشنل کھلاڑیوں کو اسرائیل نے حراست میں لے لیا

تل ابیب(جانوڈاٹ پی کے)اسرائیل نے فلسطین ویمن فٹبال ٹیم کی دو انٹرنیشنل پلیئرز رند الحلاوانی اور نٹالی ابو دایہ کو حراست میں لے لیا۔

 نٹالی ابو دایہ کو مقبوضہ مغربی کنارے میں یونیورسٹی کے طلبہ ہاسٹل پر چھاپے کے دوران جب کہ رند الحلاوانی کو مقبوضہ بیت المقدس کے پولیس اسٹیشن بلا کر حراست میں لیا گیا۔

دوسری جانب فلسطین فٹبال ایسوسی ایشن کی جانب سے ایتھلیٹس کو باضابطہ نشانہ بنائے جانے کی مذمت  کی گئی ہے۔

اس کے علاوہ  فلسطین فٹبال ایسوسی ایشن نے فیفا سے فوری کارروائی کا مطالبہ بھی کیا ہے۔