سینیٹ میں عائلی قوانین سے معاشی منصوبہ بندی تک 9 بل پیش، تمام متعلقہ قائمہ کمیٹیوں کے سپرد
اجلاس کے دوران سینیٹر سرمد علی نے عائلی عدالتیں ترمیمی بل 2026 پیش کیا، جبکہ سینیٹر زرقاء سہروردی نے قومی تحفظِ شجر و ماحولیاتی انصاف بل 2026 ایوان میں پیش کیا۔
سینیٹر خلیل طاہر نے وفاقی پراسیکیوشن سروس ترمیمی بل 2026 پیش کیا، جبکہ سینیٹر ثمینہ ممتاز زہری نے پاکستان ٹیلی کمیونیکیشن تنظیمِ نو ترمیمی بل 2026 پیش کیا۔
اجلاس میں مسلم عائلی قوانین ترمیمی بل 2026 بھی پیش کیے گئے، جنہیں سینیٹر زرقاء سہروردی اور سینیٹر سرمد علی نے الگ الگ ایوان میں پیش کیا۔ اس کے علاوہ سینیٹر سرمد علی نے نجی سکیورٹی گارڈز تحفظ، حقوق و فلاح و بہبود بل 2026 بھی پیش کیا۔
سینیٹر ثمینہ ممتاز زہری نے اسلام آباد انضباط و انسدادِ قابلِ تلفی سرنجیں بل 2026 پیش کیا، جبکہ سینیٹر زرقاء سہروردی نے پالیسی تسلسل، معاشی پیش بینی اور قومی منصوبہ بندی فریم ورک بل 2026 ایوان میں پیش کیا۔
چیئرمین سینیٹ نے تمام 9 بل متعلقہ قائمہ کمیٹیوں کے سپرد کرتے ہوئے مزید غور و خوض کا عمل شروع کرنے کی ہدایت کی۔ ان بلوں پر قانون سازی کے آئندہ مراحل میں متعلقہ کمیٹیوں کی سفارشات اہم ہوں گی۔
