پی ٹی آئی میں بڑی ٹوٹ پھوٹ،بجٹ اجلاس سے قبل ارکانِ اسمبلی کی ‘نئی اڑان’ کی تیاری!
اسلام آباد(خصوصی رپورٹ:جانو ڈاٹ پی کے)فاقی بجٹ کی پیشی سے قبل قومی سیاست میں تہلکہ مچ گیا ہے اور تحریک انصاف کے اندر بڑی ٹوٹ پھوٹ کا عمل شروع ہو گیا ہے۔ قومی سیاست کے افق پر ابھرنے والی تازہ ترین اطلاعات کے مطابق تحریک انصاف کے ارکانِ اسمبلی اور سینیٹرز کی ایک بڑی تعداد نے اپنا سیاسی مستقبل تاریک دیکھتے ہوئے پارٹی کو خیرباد کہنے کا حتمی فیصلہ کر لیا ہے۔ تجزیہ کاروں کا کہنا ہے کہ گلگت بلتستان کے حالیہ انتخابی میدان میں تحریک انصاف کو عوام کی جانب سے جس سرد مہری اور بائیکاٹ کا سامنا کرنا پڑا ہے، اس نے پارٹی کی ساکھ کو زمین بوس کر دیا ہے۔ اسلام آباد کے سیاسی حلقوں میں یہ چہ میگوئیاں زوروں پر ہیں کہ کے پی اور پنجاب سے تعلق رکھنے والے متعدد اہم رہنما پسِ پردہ سیاسی رابطوں میں مصروف ہیں اور کسی بھی لمحے ایک بڑا سیاسی دھماکہ ہونے والا ہے۔ دوسری جانب حکومت نے بھی بجٹ کی پیشی کے لیے تمام تر تیاریاں مکمل کر لی ہیں اور مسلم لیگ ن اور پیپلز پارٹی کے درمیان بجٹ کی تاریخ اور مالیاتی ترجیحات پر معاملات طے پا چکے ہیں، جس کے تحت اب بجٹ دس جون کو قومی اسمبلی میں پیش کیا جائے گا۔ وفاقی حکومت نے صوبوں سے مالی بوجھ شیئر کرنے کی درخواست کی ہے تاکہ ملکی معیشت کو سہارا دیا جا سکے۔ تحریک انصاف کی انتخابی مہم کے ناکام مناظر، سیاسی جوڑ توڑ اور پارٹی ارکان کی نئی اڑان کی مکمل اندرونی کہانی جاننے کے لیے معروف صحافی شکیل ملک کا یہ خصوصی وی لاگ آخر تک لازمی دیکھیں۔
