کوئٹہ ٹرین حملے کا عبرت ناک بدلہ!48 گھنٹوں میں 34 بھارتی سپانسرڈ دہشت گرد جہنم واصل، ایران کی پاکستان کو مشترکہ فوجی کارروائی کی بڑی پیشکش!
اسلام آباد: خصوصی رپورٹ (جانو ڈاٹ پی کے) بلوچستان میں کوئٹہ کینٹ سے روانہ ہونے والی شٹل ٹرین پر بزدلانہ خودکش حملے کے بعد، جس کا مقصد عید الاضحیٰ کی چھٹیوں پر گھر جانے والے معصوم شہریوں اور فوجی اہلکاروں کو نشانہ بنانا تھا، پاکستان کے سیکیورٹی اداروں نے 24 گھنٹے کے اندر دشمن سے عبرت ناک بدلہ لے لیا ہے۔ انتہائی معتبر ذرائع کے مطابق پاک فوج نے بنوں اور وزیرستان میں انٹیلیجنس بیسڈ آپریشنز کے دوران مجموعی طور پر 11 دہشت گردوں کو ہلاک کر دیا ہے، جس کے بعد گزشتہ 48 گھنٹوں میں جہنم واصل ہونے والے فتنۃ الخوارج اور بھارتی پراکسیز کی کل تعداد 34 ہو گئی ہے۔ کوئٹہ سانحے کے فوراً بعد وزیرِ داخلہ محسن نقوی نے کوئٹہ کا ہنگامی دورہ کیا اور اعلیٰ سطحی اجلاس میں شرکت کی، جس کے بعد اسلام آباد میں مقتدر حلقوں نے ‘آپریشن غضب بالحق’ کو مزید غضب ناک بنانے کا حتمی فیصلہ کر لیا ہے، جس کے تحت اگلے 48 گھنٹوں میں افغانستان کے اندر خوست، پکتیا، پکتیکا سمیت کابل اور قندھار میں قائم ٹی ٹی پی اور بی ایل اے کی محفوظ پناہ گاہوں اور خفیہ ٹھکانوں پر شدید ترین فضائی اور گوریلا حملے متوقع ہیں جہاں افغان تاجروں کے فارم ہاؤسز میں دہشت گرد کمانڈرز چھپے بیٹھے ہیں۔
رپورٹ کے مطابق افغانستان اس وقت بھارت اور اسرائیل کی مشترکہ پراکسی کا گڑھ بن چکا ہے جہاں مبینہ طور پر اسرائیلی ساختہ ڈرونز بھی اسمبل کیے جا رہے ہیں، تاہم اس بار پاکستان کا سٹرائیک ایکشن ایسا ہوگا جس کی چیخیں دلی اور تل ابیب تک سنائی دیں گی۔ دوسری جانب ایک انتہائی اہم سفارتی اور دفاعی پیش رفت میں ایران نے نہ صرف کوئٹہ حملے کی شدید مذمت کی ہے بلکہ پاکستان کو بارڈر کے آر پار دہشت گردوں کے قلع قمع کے لیے مشترکہ فوجی کارروائی اور انٹیلیجنس شیئرنگ کی بڑی پیشکش کر دی ہے کیونکہ ماضی میں بی ایل اے کے دہشت گرد ایرانی سیستان و بلوچستان کے سرحدی علاقوں کو بھی پناہ گاہ کے طور پر استعمال کرتے رہے ہیں۔ پاک فوج کے اس بڑے جوابی ایکشن، افغان طالبان کی منافقت اور خطے کی بدلتی ہوئی سیکیورٹی صورتحال کی مکمل سنسنی خیز اندرونی کہانی جاننے کے لیے معروف صحافی شکیل ملک کا یہ وی لاگ مکمل دیکھیں۔
