نورین نیازی کو این سی سی آئی اے کا نوٹس، سوشل میڈیا مواد سے متعلق 20 جولائی کو طلب
اسلام آباد(جانوڈاٹ پی کے) نیشنل سائبر کرائم انویسٹی گیشن ایجنسی (این سی سی آئی اے) نے نورین نیازی کو سوشل میڈیا پر مبینہ مواد کی تحقیقات کے سلسلے میں نوٹس جاری کرتے ہوئے 20 جولائی 2026 کو ذاتی حیثیت میں پیش ہونے کی ہدایت کی ہے۔
جاری کردہ نوٹس کے مطابق نورین نیازی کو اسلام آباد میں این سی سی آئی اے کے دفتر میں پیش ہو کر اپنا بیان ریکارڈ کرانے اور جاری انکوائری میں تعاون کرنے کی ہدایت کی گئی ہے۔
این سی سی آئی اے کا کہنا ہے کہ نورین نیازی کے خلاف ریاستی اداروں سے متعلق مبینہ طور پر جھوٹا اور اشتعال انگیز مواد سوشل میڈیا پر پھیلانے کے الزام کے تحت تحقیقات جاری ہیں، جس کے تناظر میں انہیں طلب کیا گیا ہے۔
ادارے نے نوٹس میں واضح کیا ہے کہ نورین نیازی مقررہ تاریخ پر ذاتی حیثیت میں پیش ہو کر تحقیقات میں مکمل تعاون کریں۔
واضح رہے کہ یہ کارروائی تحقیقات کے مرحلے میں ہے، اور نوٹس کا اجرا کسی الزام کے ثابت ہونے کے مترادف نہیں ہوتا۔
