خیبرپختونخوا میں ایمرجنسی آئین و قانون کے مطابق نافذ کی گئی، کراچی میرے لیے دکھتی رگ ہے، نہال ہاشمی

ٹورنٹو(جانوڈاٹ پی کے) گورنر سندھ نہال ہاشمی نے کہا ہے کہ خیبرپختونخوا میں ایمرجنسی کا نفاذ آئین اور قانون کے مطابق کیا گیا ہے۔ ان کا کہنا تھا کہ اگر کوئی زخم ہو جائے تو اس کے علاج کے لیے سرجری کرنا پڑتی ہے۔

نہال ہاشمی نے یہ بات جمعے کے روز کینیڈا کے شہر ٹورنٹو میں قونصل جنرل پاکستان خلیل باجوہ کی جانب سے دیے گئے ظہرانے کے موقع پر صحافیوں کے سوالات کے جواب دیتے ہوئے کہی۔

نمائندہ دنیا نیوز محبوب شخ کے سوال پر گورنر سندھ نے کہا کہ کراچی میں ان کے پاس اختیارات نہیں ہیں اور کراچی ان کے لیے دکھتی رگ کی حیثیت رکھتا ہے۔ انہوں نے کہا کہ کراچی کے عوام نے انہیں ووٹ نہیں دیا، تو کیا اس کا بدلہ عوام سے لیا جائے گا؟

نہال ہاشمی نے مزید کہا کہ اٹھارویں آئینی ترمیم کے بعد ترقیاتی کاموں کی ذمہ داری صوبوں پر عائد ہوتی ہے۔

سی پیک منصوبے کے حوالے سے گفتگو کرتے ہوئے گورنر سندھ نے کہا کہ یہ منصوبہ باہمی اختلافات کی نذر ہو گیا ہے۔