نیتن یاہو کا اہلیہ کے ہمراہ بیت المقدس کے زیرِ زمین سرنگوں کا دورہ، سوشل میڈیا پرشدید ردعمل

تل ابیب(جانوڈاٹ پی کے)اسرائیلی وزیراعظم نیتن یاہو کا اپنی اہلیہ کے ہمراہ بیت المقدس کے پرانے شہر اور مسجد الاقصیٰ کے کمپاؤنڈ کے نیچے سرنگوں کا دورہ سوشل میڈیا پر غم و غصے کا باعث بن گیا ہے۔

نیتن یاہو نے کہا کہ ہم یہاں مقدس ترین مقام کے بہت قریب ہیں، ہم یہاں ہیں اور ہم ہمیشہ رہیں گے۔

اس کے بعد اسرائیلی حکمران جوڑے نے مذہبی تقریب میں شرکت کی۔

سوشل میڈیا پر لوگوں نے کہا کہ مسجد الاقصیٰ کے نیچے ہونے والی مداخلت اوپر ہونے والی مداخلت کا راستہ ہموار کر رہی ہے، جن خطرات سے طویل عرصے سے خبردار کیا جا رہا تھا، وہ اب روز بروز حقیقت بنتے جا رہے ہیں۔