انڈر18ہاکی ایشیاکپ میں پاکستان کا شاندار آغاز،چین کو3صفر سے ہرا دیا

کوالالمپور(جانوڈاٹ پی کے)انڈر18ہاکی ایشیاکپ میں پاکستان کا شاندار آغاز،چین کو3صفر سے ہرا دیا۔ایونٹ میں پاکستان ٹیم دوسرا میچ اتوار کو ملائیشیا کے خلاف کھیلے گی۔انڈر18 ہاکی ایشیاکپ میں پاکستان نے شاندار آغاز کرتے ہوئے پہلے میچ میں چین کو 3 صفر سے ہرا دیا۔پاکستان نے پہلے کوارٹر میں دو گول کیے، کھیل کے چھٹے منٹ میں محمد عثمان نے گول کرکے قومی ٹیم کو برتری دلائی، پانچ منٹ بعد عدیل نے گول کرکے پاکستان کی برتری دو صفر کردی۔دوسرے اور تیسرے کوارٹر میں کوئی ٹیم گول نہ کرسکی، پھر آخری کوارٹر میں سلمان یاسین نے گول کرکے پاکستان کو تین صفر سے کامیابی دلائی۔ایونٹ میں پاکستان ٹیم دوسرا میچ اتوار کو ملائیشیا کے خلاف کھیلے گی۔