افغان طالبان انٹیلی جنس ایجنسی سربراہ عبد الحق واثق کا معاون بم دھماکے میں ہلاک

کابل(جانو ڈاٹ پی کے)افغان طالبان کی انٹیلی جنس ایجنسی کے سربراہ عبد الحق واثق کے معاون کابل میں ہونے والے ایک دھماکے میں ہلاک ہو گئے۔ہلاک شخص کی شناخت مولوی نعمان کے نام سے ہوئی ہے۔رپورٹس کے مطابق یہ واقعہ جمعے کے روز کابل کے علاقے بوٹخاک میں مولوی نعمان کے گھر کے اندر پیش آیا،دھماکے کے نتیجے میں مولوی نعمان موقع پر ہی چل بسےجبکہ ان کا بیٹا زخمی ہوا۔افغان میڈیا کا کہنا ہے کہ طالبان حکام نے تاحال واقعے پر کوئی باضابطہ بیان جاری نہیں کیا اور نہ ہی دھماکے کی وجہ واضح کی گئی ہےتاہم شبہ ہے کہ دھماکہ گیس سلنڈر میں نصب بارودی مواد کے پھٹنے سے ہوا۔