پاکستان بنگلہ دیش کو ہراکرانڈر19کرکٹ ایشیا کپ کے فائنل میں پہنچ گیا،فائنل اتوار کو بھارت کیساتھ ہوگا

دبئی(جانو ڈاٹ پی کے)پاکستان بنگلہ دیش کو ہراکرانڈر19کرکٹ ایشیا کپ کے فائنل میں پہنچ گیا،فائنل اتوار کو بھارت کیساتھ ہوگا۔پاکستان انڈر 19 کرکٹ ٹیم نے بنگلادیش کی جانب سے ملنے والا 121 رنز کا ہدف 17 ویں اوور میں2وکٹوں کے نقصان پر حاصل کرلیا۔پاکستان کی جانب سے سمیر منہاس 69 رنز کیساتھ ناقبل شکست رہے، عثمان خان نے 27اوراحمد حسین نے 11 رنز بنائے۔قبل ازیں دبئی میں ہونیوالے انڈر 19 کرکٹ ایشیا کپ کے پہلے سیمی فائنل میں پاکستان نے ٹاس جیت کر بنگلادیش کو پہلے بیٹنگ کی دعوت دی، تاہم پہلے بیٹنگ کرتے ہوئے بنگلادیشن کی پوری ٹیم 26.3 اوورز میں 121 رنز بناکر پویلین لوٹ گئی۔بنگلا دیش کی جانب سے سمیعون بصیر 33اور عزیز الحکیم 20 رنزبنا کر نمایاں رہے، رفعت بیگ نے 14 رنز بنائے جبکہ دیگر کوئی کھلاڑی ڈبل فگر میں داخل نہ ہوسکا۔پاکستان پاکستان کی جانب سے عبدالسبحان نے 4، حضیفہ احسن نے 2 جبکہ علی رضا، محمد صیام اور احمد حسین نے ایک ایک وکٹ حاصل کی۔بارش کے باعث میچ کی فی اننگز کو27، 27 اوورز تک محدود کردیا گیا تھا۔