فیفاورلڈ کپ2026کی انعامی رقم کتنی ہوگی،جان کر آپ بھی حیران ہوجائیں!

لندن(جانو ڈاٹ پی کے)فٹبال کی عالمی تنظیم فیفا نے ورلڈ کپ 2026 کیلئے ریکارڈ انعامی رقم کا اعلان کر دیا۔2026فیفا ورلڈ کپ میں مجموعی طور پر 65 کروڑ 50 لاکھ ڈالرز کی انعامی رقم تقسیم ہوگی۔2022 کے فیفا ورلڈ کپ میں مجموعی طور پر 44 کروڑ ڈالرز کی انعامی رقم تقسیم کی گئی تھی۔اعلامیے کے مطابق فیفا ورلڈ کپ 2026 کی فاتح ٹیم کو 5کروڑ ڈالر کی انعامی رقم دی جائے گی، پچھلے ایڈیشن کی فاتح ٹیم کو 4 کروڑ 20 لاکھ ڈالرز کی انعامی رقم دی گئی تھی۔فیفا ورلڈ کپ رنر اپ ٹیم کو 3 کروڑ 30 لاکھ ڈالرز کی انعامی رقم دی جائے گی، تیسرے نمبر پر آنے والی ٹیم کو 2 کروڑ 90 لاکھ اور چوتھے نمبر کی ٹیم کو 2 کروڑ 70 لاکھ ڈالرز ملیں گے۔

اعلامیے کے مطابق پانچویں سے آٹھویں پوزیشن کی ٹیموں کو ایک کروڑ 90 لاکھ ڈالرز ملیں گے جبکہ نویں سے 16ویں پوزیشن کی ٹیم کو ڈیڑھ کروڑ ڈالر زکی انعامی رقم دی جائے گی۔17 سے 32 ویں پوزیشن پر آنے والی ہر ٹیم کو ایک کروڑ 10لاکھ ڈالر ملیں گی جبکہ 33 سے 48 ویں پوزیشن پر آنے والی ہر ٹیم کو فی ٹیم 90 لاکھ ڈالرز کی انعامی رقم ملے گی۔فٹبال ورلڈ کپ کیلئے کوالیفائی کرنے والی ہر ٹیم کو فیفا تیاریوں کیلئے اضافی 15 لاکھ ڈالرز بھی دے گا۔

واضح رہے کہ فٹبال ورلڈ کپ اگلے برس امریکا، کینیڈا اور میکسیکو میں ہوگا جس میں 48 ٹیمیں شرکت کریں گی۔