(jano.pk)دبئی کی رئیل اسٹیٹ مارکیٹ نے 2025 کے پہلے 9 ماہ میں بھی خرید و فروخت کی رفتار برقرار رکھی ہے۔تفصیلات کے مطابقحکومت دبئی کے محکمہ دبئی لینڈ اینڈ پراپرٹی ڈیپارٹمنٹ (DLD) کے جاری کردہ اعداد و شمار کے مطابق رواں برس کے ابتدائی 9 ماہ میں 157302 جائیدادوں کے سودے ہوئے جن کی مجموعی مالیت 495.87 ارب درہم رہی جو پاکستانی روپے میں تقریباً 38.01 کھرب روپے ہے۔اعداد و شمار کے مطابق 126345 یونٹس ، 9736 عمارتیں اور 21221 زمینوں کے سودے کیے گیے۔
دبئی کے علاقے بزنس بے، برج خلیفہ کے اطراف ڈاؤن ٹاؤن کا علاقہ اور جمیرا ولیج سرکل (JVC) سب سے نمایاں علاقہ رہے جہاں سب سے زیادہ خرید و فروخت ہوئی۔دبئی کے علاقے “ بزنس بے” میں 2025 کی پہلی سہ ماہی میں سب سے آگے رہا جہاں 5704 نئے فلیٹس کے سودے ہوئے جن کی مجموعی مالیت 13.10 ارب درہم (تقریباً 1,004 ارب پاکستانی روپے) ریکارڈ کی گئی۔
2025 کی آخری سہ ماہی میں بھی مارکیٹ میں تیزی برقرار رہنے کی توقع ہے،ماہرین
اس کے بعد خرید و فروخت میں “برج خلیفہ ڈسٹرکٹ “ کا نمبر آیا جہاں 2020 فلیٹس کی دوبارہ فروخت ہوئی۔ یہ سودے 8.14 ارب درہم (تقریباً 624 ارب روپے) مالیت کے تھے۔ یہ علاقہ اپنی عالمی پہچان اور پرتعیش معیار کی وجہ سے اب بھی سرمایہ کاروں کی اولین پسند ہے۔دبئی کا علاقہ “ جمیرا ولیج سرکل (JVC)” نے لین دین کی تعداد کے لحاظ سے سب کو پیچھے چھوڑ دیا۔ یہاں 7185 نئے فلیٹس کے سودے ہوئے جن کی مالیت 7.89 ارب درہم (تقریباً 604 ارب روپے) رہی۔ یہ علاقہ اپنی معتدل قیمتوں اور فیملی فرینڈلی ماحول کے باعث متوسط طبقے کے خریداروں کے لیے پرکشش ہے۔
دبئی کے شفاف قوانین، سرمایہ کار دوست پالیسیوں اور ٹیکس فری ماحول نے عالمی سطح پر سرمایہ کاروں کو متوجہ کیا ہے جن میں پاکستانی سرمایہ کاروں کی تعداد بھی نمایاں طور پر بڑھ رہی ہے۔ماہرین کا کہنا ہے کہ 2025 کی آخری سہ ماہی میں بھی مارکیٹ میں تیزی برقرار رہنے کی توقع ہے جو نئی ترقیاتی اسکیموں، ویزہ اصلاحات اور عالمی دلچسپی سے مزید مضبوط ہوگی۔
