محمد رضوان کو ڈومیسٹک کرکٹ کھیلنے کی اجازت، واپسی کی راہ ہموار
لاہور (جانو ڈاٹ پی کے) محمد رضوان کے لیے بڑی خوشخبری، ڈومیسٹک کرکٹ کے دروازے کھل گئے، ایک بار پھر میدان میں اترنے کی اجازت مل گئی،اطلاعات کے مطابق محمد رضوان19اکتوبر سے ایکشن میں نظر آئیں گے۔
پاکستان کرکٹ ٹیم کے وکٹ کیپر بیٹر محمد رضوان کو ڈومیسٹک کرکٹ کھیلنے کی اجازت مل گئی ہے، جس کے بعد ان کی کرکٹ سرگرمیوں میں واپسی کی راہ ہموار ہوگئی ہے۔ رضوان کے مداحوں کے لیے یہ خبر اہم پیش رفت قرار دی جا رہی ہے، تاہم ان کی واپسی کے شیڈول اور متعلقہ شرائط سے متعلق مزید تفصیلات سامنے آنا باقی ہیں۔
محمد رضوان کی ڈومیسٹک کرکٹ میں شرکت انہیں اپنی فارم اور کارکردگی دکھانے کا موقع فراہم کرسکتی ہے۔ اب شائقین کی نظریں اس بات پر ہیں کہ وہ کب ایکشن میں دکھائی دیں گے اور میدان میں ان کی کارکردگی کیسی رہتی ہے۔
