روہت شرما ٹیم بس سے اترتے ہوئے پھسل کر گر پڑے، ویڈیو سوشل میڈیا پر وائرل
نئی دلی (ویب ڈیسک) بھارتی کرکٹ ٹیم کے سابق کپتان روہت شرما کو ویسٹ انڈیز کے خلاف پہلے ون ڈے میچ کے بعد ہوٹل واپسی کے دوران اس وقت مشکل صورتحال کا سامنا کرنا پڑا جب وہ ٹیم بس سے اترتے ہوئے اچانک پھسل کر گر گئے۔
واقعے کے مطابق بھارتی ٹیم کے کھلاڑی اور سپورٹ اسٹاف اسٹیڈیم سے واپسی پر ہوٹل پہنچے۔ روہت شرما بس کی سیڑھیوں سے اتر رہے تھے کہ اچانک اپنا توازن برقرار نہ رکھ سکے اور پھسل گئے۔
ROHIT SHARMA SLIPPED FROM BUS 😭😭
After that fall he was rubbing his hand in backside of leg 🥹.
Hope he is well . pic.twitter.com/f0wxMNEdCu— Tikhi mirchi 🌶️ (@MohalekiAunty) September 28, 2026
روہت شرما کے گرنے کے فوراً بعد سکیورٹی اہلکار ان کی مدد کے لیے آگے بڑھے اور انہیں اٹھنے میں معاونت فراہم کی۔ اس موقع پر بھارتی ٹیم کے سابق کپتان ویرات کوہلی بھی قریب موجود تھے اور واقعے پر حیرت کا اظہار کرتے دکھائی دیے۔
واقعے کی ویڈیو سوشل میڈیا پر تیزی سے وائرل ہوگئی، جس کے بعد بھارتی کرکٹ مداحوں نے روہت شرما کی خیریت کے حوالے سے تشویش کا اظہار کیا اور ان کی صحت کے لیے نیک خواہشات کا اظہار کیا۔
سوشل میڈیا صارفین کی جانب سے شیئر کی گئی ویڈیو میں روہت شرما کو بس سے اترتے ہوئے پھسلنے اور بعد ازاں سکیورٹی اہلکاروں کی مدد سے اٹھتے دیکھا جاسکتا ہے۔
تاہم واقعے کے بعد روہت شرما کے زخمی ہونے یا کسی جسمانی نقصان سے متعلق تاحال کوئی باضابطہ اطلاع سامنے نہیں آئی۔
