سندہ حکومت کے "حق رسائی اطلاعات ایکٹ 2016” کے بارے میں آگاہی فراہم کرنے کے لیے ایک معلوماتی سیمینار منعقد کیا گیا

ٹھٹھہ ( جاوید لطیف میمن\جانوڈاٹ پی کے)مکلی میں تخلیق فاؤنڈیشن کے اہتمام میں سندھ حکومت کے "حق رسائی اطلاعات ایکٹ 2016” کے بارے میں آگاہی فراہم کرنے کے لیے ایک معلوماتی سیمینار منعقد کیا گیا،* جس میں صحافیوں، وکلاء، ڈاکٹروں، تعلیمی ماہرین، سماجی رہنماؤں، اساتذہ، طلباء اور سول سوسائٹی کے نمائندوں نے بڑی تعداد میں شرکت کی۔

اس موقع پر سیمینار سے خطاب کرتے ہوئے تخلیق فاؤنڈیشن کے سی ای او محمد یعقوب، صحافی اسماعیل میمن، خدا بخش بھراݨی اور دیگر نے کہا کہ معلومات تک رسائی ہر شہری کا بنیادی حق ہے، جس کے ذریعے سرکاری اداروں میں شفافیت، احتساب اور اچھی حکمرانی کو فروغ ملتا ہے۔

انہوں نے کہا کہ "حق رسائی اطلاعات ایکٹ 2016” کے تحت ہر شہری کو قانون کے مطابق سرکاری اداروں سے مطلوبہ معلومات حاصل کرنے کا حق حاصل ہے، جس سے عوامی معاملات میں اعتماد بڑھے گا۔

انہوں نے مزید کہا کہ عام لوگوں، خاص طور پر صحافیوں اور سماجی تنظیموں کو چاہیے کہ وہ اس قانون کے بارے میں مکمل معلومات حاصل کر کے اس سے فائدہ اٹھائیں، تاکہ سرکاری اداروں کی کارکردگی میں مزید شفافیت لائی جا سکے۔

سیمینار کے آخر میں شرکاء نے سوال و جواب کے سیشن میں بھرپور دلچسپی لی، جبکہ تخلیق فاؤنڈیشن نے آگاہی مہم کو مزید وسیع کرنے کے عزم کا اظہار بھی کیا۔