پاک بحریہ کی نئی آبدوز ہنگور سے پہلی لائیو ویپن فائرنگ کامیاب
کراچی(جانوڈاٹ پی کے) پاک بحریہ نے نئی شامل کی گئی آبدوز پی این ایس ایم ہنگور سے پہلی لائیو ویپن فائرنگ کا کامیاب مظاہرہ کیا ہے، جس میں طویل فاصلے تک مار کرنے والے اینٹی شپ کروز میزائل نے مقررہ ہدف کو کامیابی سے نشانہ بنایا۔
پاک فوج کے شعبہ تعلقات عامہ (آئی ایس پی آر) کے مطابق سربراہ پاک بحریہ ایڈمرل نوید اشرف نے پی این ایس ایم ہنگور کی پہلی لائیو ویپن فائرنگ کا مشاہدہ کیا۔ آبدوز نے شمالی بحیرہ عرب میں فائرنگ کا مظاہرہ مکمل کیا۔
Pakistan Navy’s newly inducted submarine PNS/M HANGOR successfully conducted its maiden Live Weapon Firing in North Arabian Sea, launching an anti ship cruise missile and engaging the designated target with precision at extended range. 1/2 pic.twitter.com/bHn4VE9L79
— DGPR (Navy) (@dgprPaknavy) September 27, 2026
آئی ایس پی آر کے مطابق پی این ایس ایم ہنگور سے فائر کیا گیا طویل فاصلے تک مار کرنے والا اینٹی شپ کروز میزائل انتہائی درستگی کے ساتھ اپنے مقررہ ہدف پر لگا۔
نیول چیف ایڈمرل نوید اشرف نے آبدوز ہنگور کی جنگی صلاحیت اور عملے کی پیشہ ورانہ مہارت کو سراہتے ہوئے کہا کہ پاک بحریہ قومی سمندری حدود کے تحفظ کے لیے جدید اور ہر وقت تیار فورس ہے۔
انہوں نے کہا کہ پاک بحریہ کی جدید جنگی صلاحیتیں علاقائی امن اور بحری سلامتی کے تحفظ میں اہم کردار ادا کر رہی ہیں۔
پاک بحریہ کے حکام کے مطابق پی این ایس ایم ہنگور سے کامیاب لائیو ویپن فائرنگ قومی بحری مفادات کے تحفظ کے عزم کا اظہار ہے۔ حکام کا کہنا ہے کہ ایسی مشقیں کسی بھی ممکنہ چیلنج سے نمٹنے کے لیے پاک بحریہ کی آپریشنل تیاری کو برقرار رکھنے میں معاون ثابت ہوتی ہیں۔
