وزیراعظم شہباز شریف کا دورہُ سعودی عرب مکمل:مسجد نبویؐ اور روضہ رسولؐ پر حاضری، ملکی ترقی کیلئے دعائیں
مدینہ منورہ(جانوڈاٹ پی کے) وزیراعظم محمد شہباز شریف اپنے وفد کے ہمراہ مدینہ منورہ پہنچے جہاں انہوں نے مسجد نبویؐ میں حاضری کی سعادت حاصل کی اور ریاض الجنہ میں نوافل ادا کر کے ملک و قوم کی ترقی، سلامتی اور خوشحالی کے لیے خصوصی دعائیں کیں۔
دورے کے دوران وزیراعظم کو روضہِ رسول صلی اللہ علیہ وسلم پر زیارتِ خاص کا شرف بھی حاصل ہوا۔ اس موقع پر نائب وزیراعظم سینیٹر محمد اسحاق ڈار، وفاقی وزیر دفاع خواجہ محمد آصف، وزیر اطلاعات و نشریات عطاء اللہ تارڑ اور معاون خصوصی طارق فاطمی بھی وزیراعظم کے ہمراہ موجود تھے۔
روضہِ رسولؐ پر حاضری کے بعد وزیراعظم شہباز شریف اپنا انتہائی اہم اور کامیاب دورہُ سعودی عرب مکمل کر کے پاکستان کے لیے روانہ ہو گئے۔ مدینہ ایئرپورٹ پر گورنر مدینہ شہزادہ سلمان بن سلطان بن عبدالعزیز نے وزیراعظم اور پاکستانی وفد کو گرمجوشی سے رخصت کیا۔
یاد رہے کہ اس دورے کے دوران وزیراعظم شہباز شریف، سعودی ولی عہد شہزادہ محمد بن سلمان اور ترک صدر رجب طیب اردوان نے تاریخی ‘مکہ مشترکہ دفاعی معاہدے’ پر دستخط کیے ہیں، جس کے بعد تینوں برادر ممالک کے مابین عسکری، دفاعی اور استراتیجی تعلقات میں ایک نئے سنہرے باب کا آغاز ہو گیا ہے۔
