عالمی منڈی میں تیل کی قیمتوں میں کمی: برینٹ خام تیل 94.49 ڈالر فی بیرل پر آگیا

واشنگٹن (ویب ڈیسک) عالمی مارکیٹ میں خام تیل کی قیمتوں میں کمی کا رجحان دیکھا گیا ہے جس کے بعد توانائی کی منڈیوں میں جزوی استحکام نظر آ رہا ہے۔

بین الاقوامی رپورٹ کے مطابق برینٹ خام تیل کی قیمت 44 سینٹ کمی کے بعد 94.49 ڈالر فی بیرل پر آ گئی ہے، جبکہ امریکی خام تیل ویسٹ ٹیکساس انٹرمیڈیٹ 90.59 ڈالر فی بیرل پر ٹریڈ ہو رہا ہے۔

رپورٹ میں بتایا گیا ہے کہ آبنائے ہرمز کی صورتحال میں امریکا اور ایران کے مذاکرات کے بعد بہتری کی توقعات نے مارکیٹ پر اثر ڈالا ہے، جس سے سپلائی خدشات کچھ حد تک کم ہوئے ہیں۔

برینٹ خام تیل عالمی سطح پر یورپ، افریقہ اور مشرقِ وسطیٰ کی تیل کی قیمتوں کے لیے ایک اہم معیار (benchmark) سمجھا جاتا ہے۔

ماہرین کے مطابق اگر خطے میں کشیدگی مزید کم ہوتی ہے تو تیل کی قیمتوں میں مزید استحکام یا معمولی کمی بھی دیکھنے میں آ سکتی ہے۔