مراکش کے بادشاہ نے فاطمہ زہرا کو ملک کی پہلی خاتون وزیر اعظم مقرر کردیا

مراکش(جانوڈاٹ پی کے)مراکش کے بادشاہ شاہ محمد ششم نے فاطمہ زہرا المنصوری کو ملک کی پہلی خاتون وزیر اعظم مقرر کردیا۔

غیر ملکی میڈیا کے مطابق  ان کی جماعت نےگزشتہ ہفتے ہونے والے پارلیمانی انتخابات میں کامیابی حاصل کی تھی۔

395 رکنی اسمبلی میں صداقت اور جدیدیت پارٹی ( Authenticity and Modernity Party ) نے97 نشستیں جیتیں، جو دوسرے نمبر پر آنے والی جماعت سے 31 نشستیں زیادہ ہیں، جس نے 66 نشستیں حاصل کیں۔ پارلیمنٹ میں واضح اکثریت نہ ہونے کے باعث ان کی پارٹی کو دوسری جماعتوں کے ساتھ اتحاد کرنا ہوگا۔

شاہی کابینہ کے مطابق  شاہ محمد ششم نے 50 سالہ  فاطمہ زہرا المنصوری جو اس سے قبل وزیر ہاؤسنگ بھی رہ چکی ہیں اور مراکش شہر کی میئر بھی ہیں، کو نئی حکومت تشکیل دینےکی ذمہ داری سونپی ہے۔

 فاطمہ زہرا المنصوری اس سے قبل  2009 میں بھی مراكش کی میئر منتخب ہوئی تھیں، وہ اس عہدے پر براجمان ہونے والی پہلی خاتون تھیں۔

خیال رہےکہ مراکش میں نیم آئینی بادشاہت کا نظام قائم ہے، جہاں اقتدار کا اصل سرچشمہ شاہ محمد ششم ہیں اور پارلیمنٹ کے پاس قانون سازی کے محدود مگر اہم اختیارات ہیں۔ اگرچہ 2011 میں آئینی اصلاحات کے ذریعے پارلیمنٹ کو ماضی سے زیادہ خود مختاری دی گئی، لیکن اہم پالیسی معاملات میں بادشاہ کے پاس اب بھی وسیع اختیارات موجود ہیں۔