مولانا فضل الرحمان ہمارے لیے والد کی حیثیت رکھتے ہیں،کیپٹن(ر)صفدر
انہوں نے سوال اٹھایا کہ پارلیمنٹ میں دفاع ختم نبوت اور آئین کے تحفظ کے لیے مولانا فضل الرحمان کے علاوہ کس کو بھیجا گیا ہے؟ ان کا کہنا تھا کہ گزشتہ دنوں ایک خاتون نے مولانا فضل الرحمان کے بارے میں بات کی تو انہوں نے ایبٹ آباد میں کہا کہ مولانا ان کے لیے باپ کی جگہ ہیں۔
کیپٹن (ر) صفدر نے اپنی بات کی وضاحت کرتے ہوئے کہا کہ جس طرح نماز میں امام کی اقتدا کی جاتی ہے اور امام کو احترام کی نگاہ سے دیکھا جاتا ہے، اسی طرح مولانا فضل الرحمان بھی ان کے لیے قابل احترام ہیں۔ انہوں نے کہا کہ وہ مولانا کے لیے ان کے بیٹے اسد کی طرح ہیں اور انہیں والد جیسا مقام دیتے ہیں۔
انہوں نے مزید بتایا کہ انہیں ایک خاتون کی جانب سے پیغام موصول ہوا جس میں ان کے شناختی کارڈ پر درج والد کے نام کا حوالہ دے کر مولانا فضل الرحمان سے اس تعلق پر سوال اٹھایا گیا۔ کیپٹن (ر) صفدر نے جواب میں کہا کہ والدین کے ساتھ ساتھ انسان کی پیدائش، پرورش اور تعلیم میں کردار ادا کرنے والوں کا بھی احترام ہونا چاہیے۔
