مینگو آئس کریم

گرم موسم کے لیے مینگو آئس کریم ایک نہایت مزیدار اور آسان ڈیزرٹ ہے۔ پکے ہوئے میٹھے آم، کریم اور کنڈینسڈ ملک سے تیار ہونے والی یہ آئس کریم نرم، کریمی اور خوشبودار بنتی ہے۔ بغیر آئس کریم مشین کے اسے گھر پر بنائیے اور بچوں اور مہمانوں کا دل جیت لیں۔
اجزاء:
پکے ہوئے آم — 2 بڑے
فریش کریم — 1 پیکٹ (200 ملی لیٹر)
کنڈینسڈ ملک — ½ کپ
ونیلا ایسنس — ½ چائے کا چمچ
آم کے چھوٹے ٹکڑے — ¼ کپ، اختیاری
ترکیب:
آم کا گودا نکال کر بلینڈر میں ڈالیں اور اچھی طرح بلینڈ کرکے ہموار آم کی پیوری بنا لیں۔
ایک الگ پیالے میں ٹھنڈی فریش کریم کو الیکٹرک بیٹر سے اس وقت تک پھینٹیں جب تک وہ گاڑھی اور فلفی نہ ہوجائے۔
اب اس میں کنڈینسڈ ملک اور ونیلا ایسنس شامل کرکے ہلکے ہاتھ سے مکس کریں۔ آم کی پیوری شامل کریں اور اچھی طرح فولڈ کرلیں۔ اگر آم کے ٹکڑے پسند ہوں تو آخر میں وہ بھی شامل کردیں۔
مکسچر کو ڈھکن والے ایئر ٹائٹ ڈبے میں ڈال کر 6 سے 8 گھنٹے یا رات بھر فریزر میں رکھ دیں۔
پیش کرنے سے 5 سے 10 منٹ پہلے فریزر سے نکالیں، اس سے آئس کریم آسانی سے اسکوپ ہوجائے گی۔ اوپر آم کے ٹکڑے یا پستہ ڈال کر پیش کریں۔