امریکاایران ڈیل،بجٹ کا بوجھ اور عمران خان کی ملاقات کی حقیقت
لاہور(خصوصی رپورٹ:جانو ڈاٹ پی کے)ملکی و بین الاقوامی سیاست میں ایک بار پھر ہلچل مچ گئی ہے، جہاں امریکہ اور ایران کے درمیان ممکنہ ڈیل کے حوالے سے امریکی صدر ڈونلڈ ٹرمپ نے بڑا دعویٰ کیا ہے۔ ٹرمپ کے مطابق، ایران کے ساتھ بات چیت حتمی مرحلے میں داخل ہو چکی ہے اور توقع ہے کہ اسی ہفتے یورپ میں معاہدے پر دستخط ہو سکتے ہیں۔ دوسری جانب، قومی اسمبلی میں پیش کیے جانے والے مالی سال 2026-27 کے بجٹ کے حوالے سے بھی اہم تفصیلات سامنے آئی ہیں، جس میں دفاع کے لیے 3 ہزار ارب روپے اور تنخواہ دار طبقے کو ٹیکس ریلیف دینے کی تجاویز شامل ہیں۔
ملکی سیاست میں عمران خان کی ملاقات کے حوالے سے گردش کرنے والی خبروں کو محض افواہ قرار دیا گیا ہے۔ شکیل ملک کی رپورٹ کے مطابق، گزشتہ رات عمران خان کی کسی سے کوئی ملاقات نہیں ہوئی، اور نہ ہی انہیں ہسپتال منتقل کیا گیا ہے۔ مزید برآں، پنجاب میں مسلم لیگ ن کے صوبائی وزیر سہیل شوکت بٹ کے گھر پر سی این ایف کی کارروائی اور ان کے رویے پر بھی سیاسی حلقوں میں بحث جاری ہے۔ ان تمام اہم پیش رفتوں، بجٹ کے اثرات اور سیاسی ہلچل کا مکمل احوال جاننے کے لیے شکیل ملک کا وی لاگ مکمل ملاحظہ کریں۔
