فیفا صدر نے متنازع فارورڈ انٹرپرائز منصوبہ واپس لے لیا

پیرس(جانوڈاٹ پی کے)فیفا صدر جیانی انفینیٹو نے’فیفا فارورڈ انٹرپرائز منصوبہ‘واپس لینے کا اعلان کردیا۔

فیفاصدر جیانی انفینیٹو کی جانب سے جاری بیان میں کہا گیا ہےکہ منصوبے سےفٹبال میں تقسیم پیدا ہوئی، یہ اب کھیل کے مفاد میں نہیں لہٰذا فیفا فارورڈ انٹرپرائز منصوبہ واپس لےلیاگیا ہے۔

انہوں نے کہا کہ فیفا فارورڈ منصوبہ فیفا رکن ممالک کی اکثریت کی حمایت سے مشروط تھا، تمام آرا سننےکے بعد منصوبہ آگے نہ بڑھانےکافیصلہ کیاگیا۔

فیفا صدر کا کہنا تھا کہ فیفا کا مقصد ہمیشہ اتحاد اور فٹبال کی بہتری رہا ہے، تمام متعلقہ فریقوں کو دوبارہ ایک میز پرلائیں گے، ضرورت مند ممالک میں فٹبال کےفروغ کا مشن جاری رہےگا۔

انہوں نے مزید کہا کہ فیفا فارورڈ منصوبہ باضابطہ طور پرختم کردیا گیا ہے جب کہ تجاویز پر مزید پیش رفت  نہیں ہوگی۔