ایرانی وزیرخارجہ کے فرانسیسی اور روسی ہم منصبوں سے رابطے، ثالثی اور امن کوششوں پر تبادلہ خیال

تہران(جانوڈاٹ پی کے)ایرانی میڈیا کے مطابق وزیر خارجہ عباس عراقچی نے فرانسیسی ہم منصب کو ٹیلیفون کیا، ثالثی کی کوششوں اور آبنائے ہرمز سے متعلق معاملات پر تبادلہ خیال کیا گیا۔

عباس عراقچی نے روسی ہم منصب سے بھی ٹیلیفونک گفتگو کی، دونوں رہنماؤں میں خطے میں قیام امن کیلئے جاری کوششوں پر تبادلہ خیال کیا گیا۔

دوران گفتگو ایران اور روس نے طویل مدتی قیام امن کیلئے کوششیں جاری رکھنے کے عزم کا اظہار کیا۔

روسی وزیر خارجہ نے کہا کہ روس ایران کیخلاف فوجی جارحیت کی مخالفت کرتا ہے، روس امن کے قیام کے لیے ہر ممکن تعاون کیلئے تیار ہے۔