داتا دربار کے کیش باکس سے کروڑوں روپے کی چوری کا انکشاف

لاہور(جانوڈاٹ پی کے)داتا دربار لاہور کے کیش باکس سے کروڑوں روپے کی چوری کا انکشاف ہوا ہے۔

وزارت اوقاف نے دو منیجرز کی تنزلی کردی۔ سوا کروڑ روپے کی ریکوری کا حکم دے دیا گیا۔

صوبے میں مزارات پر نصب کیش باکسز سے چوری روکنے کے لیے ڈیجیٹائزیشن کا فیصلہ کیا گیا ہے۔

پنجاب کے وزیر اوقاف و مذہبی امور چوہدری شافع حسین نے کہا کہ مزارات پر نصب کیش باکسز کی آمدن مقدس امانت ہوتی ہے۔ بدقسمتی سے ان کیش باکسز سے چوری ہوتی رہی ہے۔ محکمہ اوقاف کو ہر قسم کی کرپشن سے پاک کیا جائے گا۔